Eshburiev Baxtiyar Mamatqulovich, 1959 yilning 3 aprelida Samarqand viloyati Pastdarg‘om tumanida ishchi oilasida tug‘ilgan.
Millati: O‘zbek.
Ma’lumoti: Oliy, Samarqand qishloq xo‘jalik instituti «Veterinariya» fakultetini tamomlagan (1983 y).
Mehnat faoliyati: 
1989-1990 yillarda Samarqand qishloq xo‘jalik instituti “Ichki yuqumsiz kasalliklar va klinik diagnostika” kafedrasi vrach ordinatori bo‘lib ish boshlagan.
1990-1994 yillarda Samarqand qishloq xo‘jalik instituti “Ichki yuqumsiz kasalliklari va klinik diagnostika” kafedrasi assistenti, 1994-1997 yillarda Samarqand qishloq xo‘jalik instituti “Ichki yuqumsiz kasalliklari va klinik diagnostika” kafedrasi katta o‘qituvchisi, 2004-2006 yillarda Samarqand qishloq xo‘jalik instituti “Hayvonlar kasalliklari va parazitologiya” kafedrasi katta o‘qituvchisi, 2006-2009 yillarda Samarqand qishloq xo‘jalik instituti “Hayvonlar kasalliklari va parazitologiya” kafedrasi dotsenti, 2010-2011yillarda Samarqand qishloq xo‘jalik instituti veterinariya, zootexniya va qorako‘lchilik fakulteti o‘quv ishlari bo‘yicha dekan muovini (o‘rindoshlik asosida “Hayvonlar kasalliklari va parazitologiya” kafedrasi dotsenti),  lavozimlarida faoliyat ko‘rsatgan.
2012 - 2015 yillarda Hayvonlar kasalliklari va parazitologiya” kafedrasi dotsenti, 2015 yildan hozirgi kungacha “Ichki yuqumsiz kasalliklar va akusherlik” kafedrasi mudiri lavozimida faoliyat ko‘rsatmoqda.

Ilmiy darajasi: fan doktori
Ilmiy unvoni: dotsent
Ish staji: 35 yil 
Pedagogik staji: 29 yil

O‘qitadigan fanlari: “Veterinariya akusherligi”, “Hayvonlar ko‘payish biotexnikasining nazariy va ilmiy asoslari”, “Akusherlik patologiyasining ilmiy asoslari”, “Veterinariya ginekologiyasi va andrologiyasining ilmiy asoslari”.
Yutuqlari: 2015-2017 yillarda “Oliy ta’lim muassasasining eng yaxshi pedagogi” Umumrespublika tanlovining “Innovatsiya va axborot texnologiyalarini qo‘llaydigan eng yaxshi pedagog” nominatsiyasi bo‘yicha g‘olibi. 
O‘zbekiston Respublikasining birinchi Prezidenti I.A.Karimovning 2016 yil 1 iyuldagi farmoniga binoan ta’sis etilgan “O‘zbekiston mustaqilligiga 25 yil” esdalik nishoni bilan taqdirlangan. 
O‘zbekiston Respublikasi, Oliy va O‘rta maxsus ta’lim vazirligining tavsiyasiga ko‘ra “Oliy ta’lim muassasasining eng yaxshi pedagogi  tanlovining” veterinariya ta’lim sohasi bo‘yicha 2017 yil uchun “Innovatsiya va axborot texnologiyalarni qo‘llaydigan eng yaxshi pedagog” nominatsiyasi g‘olibi. (Faxriy diplom №18/3. 2017 y.)
2014 yildan boshlab 16.07.2016.Qx/V.25.01 raqamli fan doktori ilmiy darajasini beruvchi ilmiy kengash qoshidagi ilmiy seminar kotibi, 2015 yildan fakultet Kengashining a’zosi.
Ilmiy ishlari: 1995 yilda “Sutdan chiqarilgan buzoqlar gepatodistrofiyasi (etiologiya, diagnostika, profilaktika” mavzusida nomzodlik dissertatsiyasini muvoffaqiyatli himoya qilib, veterinariya fanlari nomzodi ilmiy darajasiga ega bo‘lgan. 2016 yilda “Bo‘g‘oz sigirlarning endemik mikroelementozlari, ularning oqibatlari va profilaktika chora-tadbirlari” mavzusida doktorlik dissertatsiyasini himoya qilgan. 100 ga yaqin ilmiy-uslubiy ishlar, shu jumladan, 2 ta darslik, 2 ta o‘quv qo‘llanma, 4 ta o‘quv-uslubiy qo‘llanma, 10 dan ortiq tavsiyanoma va 4 ta ixtiro muallifi. 200 dan ortiq ilmiy maqolalar va 1 monografiya chop ettirgan.
3 ta davlat granti (DITD-16/22; QxA-9-115, QxA-9-039-2015) asosida ilmiy izlanishlar olib borgan. Tadqiqotlardan olingan natijalar va yaratilgan ishlanmalar asosida har yilgi Innovatsion g‘oyalar, texnologiyalar va loyihalar Respublika yarmarkasida va turli darajadagi ilmiy seminarlarda faol ishtirok etib kelgan.
«Mikroelementozlarni oldini olish uchun mikroelementli-vitaminli aralashma» ishlanmasi uchun O‘zbekiston Respublikasi Intellektual mulk agentligining ixtiroga patenti olingan (№IAP 2013 0179). Bunda, bo‘g‘oz sigirlarning endemik mikroelementozlarini oldini olish uchun mikroelementli-vitaminli aralashmalarni qo‘llash usullari ishlab chiqilgan; 
«Buzoqlar dispepsiyasini davolash uchun elektrolitli-degidratatsion eritma» ishlanmasi uchun O‘zbekiston Respublikasi Intellektual mulk agentligining ixtiroga patenti olingan (№IAP 2013 0180). Bunda, buzoqlar dispepsiyasini davolash va oldini olish uchun elektrolitli-degidratatsion eritmalardan foydalanish usullari ishlab chiqilgan;
Bo‘g‘oz sigirlarning mikroelementozlarini oldini olish uchun «Mikrovit» mikroelementli-vitaminli aralashmani qo‘llash, buzoqlar dispepsiyasini davolashni takomillashtirishda «Elektrolitli-degidratatsion eritma»ni qo‘llashga asoslangan davolash va guruhli oldini olish usullari Buxoro, Navoiy va Samarqand viloyatlari qoramolchilik fermer xo‘jaliklariga joriy etilgan. (Davlat veterinariya bosh boshqarmasining 15.09.2016 y. №48/4-1380-son ma’lumotnomasi). Bunda, buzoqlarni tug‘ilgandagi tana vazni 13,4 foizga va tana vaznining kunlik o‘sishini 14,4 foizga oshgan, ularning dispepsiya bilan kasallanishi 60 foizga kamaygan, sog‘in sigirlar sut mahsuldorligi 38,5 foizga yuqori bo‘lgan hamda iqtisodiy samara bir bosh sigir hisobiga o‘rtacha 545,8 ming so‘mni tashkil etgan.
Ilmiy rahbarligi: 150 dan ortiq bakalavrga, 8 nafar magistrga ilmiy rahbarlik qilgan. 
Oilaviy ahvoli: Oilali, 7 nafar farzandi bor.